Прокопий Говоров

Бүгүн, 15.04.2026 чыыһылаҕа Мэҥэ-Хаҥалас Төҥүлүтүгэр Россия спордун маастара, дуобат Аан дойдутааҕы ассоциациятын маастара, 64 уонна 100 харахтаах дуобаттарга уолаттарга Россияҕа уонна Европаҕа Аан дойду чемпиона, биир дойдулаахпыт Прокопий Прокопьевич Говоров Турцияҕа ыытыллар Европа первенствотыгар кыттан Грассмейстер нуорматын толоро барарыгар диэн аһаҕас дуобат сеанстаах көмө акцията буолан ааста. Сеанска уопсайа улуус араас муннугуттан 40-тан тахса дуомаччыт уонна дуобат кружогар сылдьар оскуола оҕолоро кэлэн Прокопийы кытта дуобаттаан, бэйэлэрин холонон кыттыыны ыллылар.
Акция түмүгэр Прокопий Говоровка көмө диэн уопсайа 170 тыыһынча 500 солкуобай көмө харчы киирдэ. Онон уолбут биир дойдулаахтарыттан улахан көмө, тирэх ылан үөрэн-көтөн махтанан барда.