МБУК СКИЦ "ЭЙГЭ" С.ТЮНГЮЛЮ 
Ыам ыйын 21 күнэ — Ырыа күнэ!
Ырыаны истин, ырыаны таптаан!
Кэнсиэри бу ссылканан киирэн көрүҥ:
Муус устар 27 күнэ — Республика күнэ
1991 сыллаахха Саха сирин бастакы президиэнинэн Михаил Ефимович Николаев талыллар. Онтон 1992 сыллаахха, муус устар 27 күнүгэр Саха Өрөспүүбүлүкэтин Төрүт сокуона (Конституцията) ылыныллан, бу күн олоххо киирбитэ. Билигин муус устар 27 күнүн Өрөспүүбүлүкэ күнүн быһыытынан билинэбит. Саха Өрөспүүбүлүкэтин былааҕа көнө муннуктаах иэн буолар. Түөрт сытыары дьураа ойуулардаах: сырдык халлаан күөх – көҥүл буолууну, эрэли көрдөрөр; маҥан – тыйыс айылҕалааҕын көрдөрөр, кыһыл – төрөөбүт дойдуга эрэллээх уонна күүстээх буолууну, сайдыыны көрдөрөр уонна от күөх – кылгас күөх сайыны, доҕордоһууну бэлиэтиир. Маҥан төкүнүк – үрүҥ күнү көрдөрөр. Гиэрбэҕэ былыр Өлүөнэ очуос таастарыгар ойууламмыт аттаах киһи ойууланар. Үөһээ сэттэ алмаас таастар сэттэ омугу көрдөрөллөр: сахалар, нууччалар, эбээннэр, эбэҥкилэр, долганнар, юкагирдар, чукчалар.
Муус устар 27 күнэ – саха норуотугар быһаарыылаах уонна ураты суолталаах бэлиэ күн 1922 сыллаахха муус устар 22 күнүгэр – Саха Автономнай Советскай Социалистическай өрөспүүбүлүкэтэ төрүттэммитэ. Бу күн саха норуотун чулуу уолаттара Максим Аммосов, Былатыан Ойуунускай, Исидор Барахов уонна да атыттар Саха сирэ автономия буоларын ситиспиттэрэ. Ол саха омуга сайдыытыгар улахан төһүү күүс, бигэ тирэх буолбута.
Бугүҥҥү сүдү суолталаах күнүнэн эҕэрдэлиибит! Бары чэгиэн-чэбдик, бөҕө ис туруктаах сырдык санааннан салайтаран, үтүөҕэ-кэрэҕэ эрэ дьулуһуох!
Муус устар 22 күнэ — Улуу киһибит — Владимир Ильич Ульянов-Ленин, төрөөбүт күнэ. Сэбиэскэй кэмҥэ бу күнү киэҥник бэлиэтиирбит: үөрэнээччилэр октябрёнокка, пионерга киирэллэрэ, күүрээннээх субуотунньуктар буолаллара. Дэриэбинэ оргуйан олороро: олбуордарга, дьиэлэргэ, массыына кузовтарыгар плакат, лозунг бөҕө суруллан ыйанара, дьон-сэргэ бары күргүөмүнэн субуотунньуктуу тахсаллара.
Аны киэһэтин кулуупка митинг, кэнсиэр тэриллэрэ. Саала тобус толору киһи буолара, ким да сылайбыта көстүбэт этэ, бары үөрэ-көтө сылдьаллара. Үчүгэй да күннэр этилэр, чахчы үчүгэй кэмнэр ааспыттар…
Төһө да кэм-кэрдии аастар, кырдьаҕас көлүөнэ дьон Улуу сирдьиттэрин Ленини умнубаттар, сылаас, үтүө өйдөбүлү сүрэхтэригэр илдьэ сылдьаллар. Бу күн «Эйгэ» култуура сынньалаҥ киинигэр аҕам саастаахтар кэнсиэрдэрэ буолан ааста.
Кэнсиэри бу ссылканан киирэн көрүҥ:
https://rutube.ru/video/private/13039439b9d3ab497e5f8381263959e0/?p=rPJGcgg4pBEyOjFu3-vScA
